[86] สรณํ สวิตกฺกสวิจารํ ธมฺมํ ปฏิจฺจ นสรโณ นสวิตกฺกสวิจาโร ธมฺโม อุปฺปชฺชติ เหตุปจฺจยา… ตีณิฯ

อรณํ สวิตกฺกสวิจารํ ธมฺมํ ปฏิจฺจ นอรโณ นสวิตกฺกสวิจาโร ธมฺโม อุปฺปชฺชติ เหตุปจฺจยาฯ เอกํฯ

[87] สรณํ อวิตกฺกวิจารมตฺตํ ธมฺมํ ปฏิจฺจ นสรโณ นอวิตกฺกวิจารมตฺโต ธมฺโม อุปฺปชฺชติ เหตุปจฺจยา… เหตุยา จตฺตาริฯ

อรณํ อวิตกฺกอวิจารํ ธมฺมํ ปฏิจฺจ นสรโณ นอวิตกฺกอวิจาโร ธมฺโม อุปฺปชฺชติ เหตุปจฺจยาฯ เหตุยา เอกํฯ

100-7. สรณทุก-ปีติตฺติกํ

[88] สรณํ ปีติสหคตํ ธมฺมํ ปฏิจฺจ นสรโณ นปีติสหคโต ธมฺโม อุปฺปชฺชติ เหตุปจฺจยา… ตีณิฯ

อรณํ ปีติสหคตํ ธมฺมํ ปฏิจฺจ นสรโณ นปีติสหคโต ธมฺโม อุปฺปชฺชติ เหตุปจฺจยาฯ เอกํฯ

สรณํ สุขสหคตํ ธมฺมํ ปฏิจฺจ นสรโณ นสุขสหคโต ธมฺโม อุปฺปชฺชติ เหตุปจฺจยา… ตีณิฯ

อรณํ สุขสหคตํ ธมฺมํ ปฏิจฺจ นสรโณ นสุขสหคโต ธมฺโม อุปฺปชฺชติ เหตุปจฺจยาฯ เอกํฯ

สรณํ อุเปกฺขาสหคตํ ธมฺมํ ปฏิจฺจ นสรโณ นอุเปกฺขาสหคโต ธมฺโม อุปฺปชฺชติ เหตุปจฺจยา… เหตุยา จตฺตาริฯ

100-8. สรณทุก-ทสฺสนตฺติกํ

[89] สรณํ ทสฺสเนน ปหาตพฺพํ ธมฺมํ ปฏิจฺจ นสรโณ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ เหตุยา เอกํฯ

สรณํ ภาวนาย ปหาตพฺพํ ธมฺมํ ปฏิจฺจ นสรโณ นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ เหตุยา เอกํฯ

อรณํ เนวทสฺสเนน นภาวนาย ปหาตพฺพํ ธมฺมํ ปจฺจยา นอรโณ นเนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ เหตุยา เอกํฯ

100-9. สรณทุก-ทสฺสนเหตุตฺติกํ

[90] สรณํ ทสฺสเนน ปหาตพฺพเหตุกํ ธมฺมํ ปฏิจฺจ นสรโณ นทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยาฯ เหตุยา เอกํฯ

สรณํ ภาวนาย ปหาตพฺพเหตุกํ ธมฺมํ ปฏิจฺจ นสรโณ นภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยาฯ เหตุยา เอกํฯ

อรณํ เนวทสฺสเนน นภาวนาย ปหาตพฺพเหตุกํ ธมฺมํ ปฏิจฺจ นอรโณ นเนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยาฯ เหตุยา เอกํฯ

100-10. สรณทุก-อาจยคามิตฺติกํ

[91] สรณํ อาจยคามิํ ธมฺมํ ปฏิจฺจ นสรโณ นอาจยคามี ธมฺโม อุปฺปชฺชติ เหตุปจฺจยา… เหตุยา ทฺเวฯ

อรณํ อปจยคามิํ ธมฺมํ ปฏิจฺจ นสรโณ นอปจยคามี ธมฺโม อุปฺปชฺชติ เหตุปจฺจยาฯ เหตุยา เอกํฯ

อรณํ เนวาจยคามินาปจยคามิํ ธมฺมํ ปจฺจยา นอรโณ นเนวาจยคามินาปจยคามี ธมฺโม อุปฺปชฺชติ เหตุปจฺจยาฯ

100-11. สรณทุก-เสกฺขตฺติกํ

[92] อรณํ เสกฺขํ ธมฺมํ ปฏิจฺจ นสรโณ นเสกฺโข ธมฺโม อุปฺปชฺชติ เหตุปจฺจยาฯ เหตุยา เอกํฯ

อรณํ อเสกฺขํ ธมฺมํ ปฏิจฺจ นสรโณ นอเสกฺโข ธมฺโม อุปฺปชฺชติ เหตุปจฺจยาฯ เหตุยา เอกํฯ